Atsegina da Biga, txantxa zalea, xelebrea, eta, gainera, itxuraldatzeko eta balentria itzelak egiteko superbotereak ditu. Ez dakigu zehatz zer animalia mota den, baina gauza bat argi dugu: umeen heroi kutuna izateko baldintza guztiak betetzen ditu! Izan ere, Animaliako eskolako izarra da Biga, eta biziki maite dute denek! Denek... Leoi izan ezik, bera zelako jolastokiko erregea Biga heldu aurretik. Leoi kameleoia gauza baita kolorea mudatzeko eta ikusezin bilakatzeko! Alabaina, dena lehenera itzuliko da: Leoik bere Robotron 3000, gaitasun ikaragarriak dituen robota, eraman du eskolara. Ospetsuena izango da berriz ere! 'Txantxak sortzeko makina' da gure heroi urdinaren abenturen azken liburukia. Biga sailak 30.000 ale baino gehiago saldu ditu Espainian, eta oraingo abentura honetan ere lotsagabeki, umorez eta itxuraldaketa harrigarri ugariz helduko die gaurko umeen arazo eta emozioei, gag samur eta barregarriak tarteko.