Katutxo eta baloia, Joel Franz Rosell:

Egun batean, Katutxo eskolatik zetorrela,
baloi eder bat aurkitu zuen bere etxearen aurrean.
Katutxok inguruan begiratu zuen baina kalean ez zebilen inor,
inor ez lorategian, inor ez patioan...
Baloi hark jaberik ez zuela pentsatu zuen Katutxok,
eta hartu egin zuen.

Etxe berri batera iritsirik eta auzokide berriak dituela, Katutxok oraindik ezin izan du gainditu lagunak egiteko herabetasuna. Galdutako baloi bat halabeharrez topatu duenean, bakarrik jolastu ahal izango duela uste du, baina amak aurretik baloiaren jabea bilatzeko esan dio. Horrela ezagutu ditu Ahateme, Katagorri, Untxi eta Triku.

Txikienak jarrera positiboen bidez baina tinkotasunez , jabegoaren eta erantzukizunaren zentzua, norberekoitasunaren aurrean bizikidetza eta eskuzabaltasuna bultzatzea, horra lehen irakurleentzako album honen giltzetariko batzuk; egituraren aldetik, gainera, narrazio errepikakorra eta, pertsonaien aurkezpenean, zenbakien beheranzko ordena darabiltza.

Ilustrazioen kalitateak, testura eta kolore biziak lagun, irakurleak giza itxurako animaliekin identifikatzen laguntzen du, gaur eguneko hiri giroko alegia honetan.