Jose Austin Arrietak aurkezle lanak eginaz, Joxe Manuel Odriozolaren "Estatu etnozidaren kontra" liburua aurkeztuko da.

Euskararen zapalketari eta biziraupenari lotuak izan dira orain arte Odriozolak ondu dituen saiakera ia guztiak. Oraingoa, berriz, kezka berdintsutik sortu arren, desberdina da edukiz: munduan barrena zabaldu du begirada, hango eta hemengo hizkuntza gutxiagotuei erreparatzeko. Ez hainbeste bataren edo bestearen egoeraren diagnosia egiteko, ezpada kasu guztietan sumatzen diren konstanteak azpimarratzeko. Hizkuntzen psikologian eta praxian, corpus eta status-ean, kulturan nahiz hedabideetan, denetan konstatatzen du Odriozolak Estatua dela makina zanpatzaile eta hurrupatzaile bat, gizadiaren biodibertsitate ederrenaren agerkari den hizkuntza-ugaritasuna guztiz kamustu eta ia erabat desagerrarazi nahi duena.

Aurkezpenaren ondoren liburuak lantzen duen gaiaren inguruko solasaldia izango da.