Siziliako Mafiako bi familien arteko tentsio eta borrokez dihardu eleberriak. Alcantara-tarrak eta Carnevare-tarrak dira tira-bira batean bizi diren bi familiak. Interes handiko negozioak, zikinak eta hilgarriak, daude jokoan. 18 urteko mutil eta neska bat, Alessandro eta Rosa, bata Carnevaretarra eta bestea Alcantaratarra, Ameriketatik bueltan hegazkinean ezagutu dute elkar. Ezagutza horrek arazo handiak dakarkie familia biei, eta harreman, maitasun izatera iritsiko dena, desegiteko eginahalak egingo dituzte. Baina ez dute lortuko. Bien etorkizuna familien oinordetzaz arduratzea zen. Baina...Tartean abentura harrigarriak gertatuko dira.
Eta alderdi fantastikoa. Familien baitan dirauen legenda eta sekretu zaharra da beren arbasoen arteko Arkadia Zaharrean familiako kideek, Licaonen mitoari jarraituz, animalia larrua hartzen zutela. Carnevaretarrak lehoi eta pantera eta Alcantaratarrak sugetzar. Eleberriko unerik odoltsu eta izugarrienak antzaldaketa horietan gertatuko dira.
Baina, eleberriak aurrera egin ahala, arriskuan daude bi protagonistak, eta larritasunean Mafiaren negozio zikinen dabilen juje baten esku jarriko dira.