Neil Andertol heroi bat da... Beno, mundu errealean ez. Neil (lagunek “ZentiNeila deitzen diote) bideojokoetan maisu hutsa da. Are gehiago, hegazkinak gidatzeko Kameleoia bideojoko mundial berrian bigarren puntuaziorik altuena lortu du, eta diotenez, bideojoko horretan hegazkina ikusezin bihurtzen da mailarik altuenean. ZentiNeila etsaien aireko armada osoa birrintzeko gauza den arren, benetako munduko Neil arruntak gelako harroputzaren “bromatxoak jasan behar izaten ditu oraindik. Baina, gauzak aldatzear daude. Bat-batean, Neil egoitza militar batean esnatu da beste hamaika neska-mutilekin batera, eta ez daki nola gertatu den. Jarraian, Kameleoia ez dela joko huts bat esan diote, benetako borro­ka-hegazkinak gidatzen entre­na­tzeko simulazio-sistema bat baizik! Badirudi Aireko Armadak gamer talde baten laguntza behar duela erreskate-misio sekretu batean borroka-hegazkinak gi­da ditzaten. Neil bideojokoetarako duen trebezia benetako proba arriskutsu honetan erabiltzeko gauza izango da? Oraingoan ez du puntuak lortzeko jokatuko, mundua salbatzeko baizik.