Bi eginkizun desberdin dituelako zatitzen da bitan liburuska hau. Lehenengo zatiaren bidez irribarrez jantzi nahi dira irakurlearen ezpainak; bigarrena lehergailu bat da, baina ez inor hiltzeko, ez, irakurlea barrez lehertzeko baizik. Esaera zaharretan gure herriaren aire filosofikoa arnastuko duzu, osaba zaharren buru-bihotzeko iturrian jaiotako oxigeno garbia. Txiste berriak, batzuk ez hain berriak, tristerik dagoena edo alaiago egon nahi duena umoreberritzeko pildorak dira.