Euskara-Alemana/Deutsch-Baskisch hiztegiaren 2. edizioa prestatu du Elena Martinez Rubio bilbotarrak eta Elkar argitaletxeak argitaratu du, berrituta, osatuta eta eguneratuta. 32.400 sarreratik gora ditu, 4.600 adibide eta esapide argigarri. Lexiko arrunta eta teknikoa uztartuta datoz bertan, eta gramatika kategoariak ere eskaintzen ditu. Eranskinetan, berriz, “Hizketan” izeneko atala da berrikuntzetako bat, hainbat hizkuntza funtzio daude jasota bertan, eta, horrez gain, alemanezko eta euskarazko gramatika-atalak daude. Ikasle, itzultzaile eta alemanez hitz egiten duen euskaldun ororentzako moduko hiztegia osatu du Elenak, lexikoaren inguruko zalantzak argitzeko adibideekin.