Tipi Tapa, untxitxoa doa lehenik gora, gora eta gora. Ttapa Ttapa, krokodilo ttipia atzetik gora, gora eta gora. Dinbi Danba, elefante handia ere gora, gora eta gora. Ondoren, arratoitxoa eta igela; azken hauek inoren laguntzarik gabe igo nahi dute. Denak gora, gora eta gora, baina, nora ote doaz?
Emile Jadoul ilustratzaile ezagunak istorio berri bat sortu du. Egitura erritmikoa eta errepikakorra du, onomatopeiaz beterik dago, eta ezin hobea da ondokoekin partekatzeko.
Album goxo eta dibertigarria da, pertsonaia ezin jatorragoak dituena protagonista, non irudi xume bezain koloretsuak agertzen diren hondo zuri baten gainean. Irakurle hasiberrientzat aproposa, amaiera harrigarriduna, oherako orduan txikien eta handien gozagarri izango dena.