Un libro con lapelas e páxinas despregables para descubrir a maxia da Lúa da man de Eric Carle.

Mónica soñaba con xogar coa Lúa e por iso pediulle ao seu pai que lla baixase do ceo. El buscou unha escada enorme e gabeou ata alcanzala mais a Lúa resultou ser demasiado grande. Con todo ela prometeulle que cada noite iría encolléndose máis e máis e que cando fose pequena dabondo podería levala consigo.

Eric Carle ofrece nesta obra un xogo de tamaños e direccións mediante un orixinal sistema de páxinas que se despregan en distintos sentidos: cara arriba cara abaixo cara aos lados e mesmo fóra do propio libro. Co seu estilo inconfundible baseado na técnica da colaxe o autor presenta unha proposta estética chea de colorido.