Norberaren sinesmen, uste eta iritziek mapa antzeko bat osatzen dute. Mapa hori garrantzitsua da eguneroko bizitzan, orientatzen gaitu-eta. Areago, nolako sinesmenak halako ekintzak. Baina nola eskuratzen ditugu sinesmen eta uste horiek? Nola iltzatzen dira guregan? Uste eta sinesmenen zehaztasunaz kezkatzen al gara? Edozein gauza sinets al daiteke? Sinesmenak eta usteak finkatzeko zenbait bide aztertzen ditugu, eta sen ona deritzonaren alde argudiatzen dugu. Ildo horretatik, filosofiaz, zientziaz eta erlijioaz ere mintzatzen gara. Azkenik, erlijio sinesmenen inguruko zenbait onarpenen ahulezia agerian uzten saiatzen gara. Adibidez, uste zabaldua da baliorik gabeko basamortu bihurtuko zaigula erlijiorik gabeko mundua. Uste hori gezurtatzeko saio bat ere bada liburua “Zalantzek sortzen duten egonezina baretzen dute usteek, sinesmenek eta iritziek. Zalantzaren bat daukagunean uste baten bila abiatzen gara, zalantza hura lasaitu eta, ahal bada, desegin nahian