"Elearen lainoa", batez ere, abesti ederrez osaturiko sorta koloretsua duzu, non okreak, berdeak, urdinak eta horiak, berezko zeru erakargarria margotzen duten. Bertan nabigatzen diren 12 abesti berriek, sentsibilitatea zein trebeziaz bihotza alderik alde zeharkatzen dute eta, interpretazio landu bezain oparoa dela medio, izaera nordikoa, pop kutsuko balada eztiak eta nortasun handiko folk musika eskaintzen dituzte. Lan fin eta homogeneo honen produkzio artistikoaren atalean, Olatz Zugastik, Mikel Fernandez eta Angel Unzu-ren esperientzia eta intuizioaren laguntza izan du une oro. Guztion artean, azkenean, bai konposizioetan bai eta ekoizpen mailan ere produkto ezberdin eta urrezko bat moldatu dute. Abestiak formatorik sinpleenean abiatzen dira eta, elementu gutxirekin, itsaso mugagabeak, baso berde emankorrak, ur tantez freskaturiko basamortu infinitoak irudikatzen dituzte. "Elearen lainoa" izeneko lan honek, zintzotasun eta intentsitate handiz, amodioaren urratsak jarraitzen ditu et