1999ko abuztuan Donostiako Victoria Eugenia antzokian, Musika Hamabostaldiaren barruan, espektakulo bat eman zen Mikel Laboaren inguruan adierazpide desberdinak konbinatuz. Guztira 150en bat minutu iraun zuen emanaldiaren lehen partean, Mikel Laboak eta bere ohiko musikariek beren azken lanen erakusgarri txiki bat ematen zuten. Ondoren, bi bideo proiektatu ziren Laboaren bizitza eta obraz:  Haika mutil (S.G.A.E., 1997), 30 minutu inguruko iraupena  Gernika (Suediako TB, 1977), 5 minutu inguruko iraupena Bigarren partean, Laboak eta Donostiako Orfeoiak, Euskal Herriko Gazte Orkestrarekin batera, José Antonio Sainz Alfaroren zuzendaritzapean, Laboaren beraren hiru kanta interpretatzen zituzten (Gernika, Txoria txorieta Baga-Biga-Higa), Carlos Puig-en orkestarako bertsioan. Azken bi kantak estreinatuak ziren jadanik 1997an, Donostiako Orfeoiaren Mendeurrena zela-eta, Anoetan egin zen Omenaldi Kontzertuan. Horrez gain, bigarren parte horretan, Orfeoiak eta Orkestrak beren e