Anek idatzi dit zutaz, Mikel, diño ondo zaudela... ...heldutasuna beti iristen dela, lehenago edo geroago. Eta zer du horrek txarrik? Ziurrenik ezer ere ez, nahiz eta gure inguruan gaizki ulertua izan den beti, eta are okerrago ikusia, beti arrisku nahiz freskotasun ezarekin lotua. Ez bide da gauza bera bazter batean jarrita bizitza nola iragaten den ikusiz heldutasunaren zain egotea, eta erabakitasunez, adorez, kemenez eta ondo eginiko lanaren segurtasunaz haren bila joatea. Eta inori zalantza izpiren bat gelditzen bazaio, hemen dator Mikel Urdangarin (Zornotza, 1971) BERE disko berria besapean duela, argi erakutsiz heldutasuna, erotasuna eta arriskua ez direla hitz kontraesankorra . Lehen, bigarren eta hirugarren pertsonako bizipen berriak kanta bihurtu eta Anek idatzi dit zutaz izeneko diskoan bilduta, berrikuntza ugariko lana osatu du kantautore bizkaitarrak, eta hauxe da hamar urte luzez bizitako ibilbide artistikoaren ondoren benetako heldutasuna lortu duela erakusten duen frog