“Garai hartan, sirena bat neska beltzaran bat izan zitekeen oraindik, eta ez zerutik heldu zen mehatxu baten iragarpena”. Ernest Lubitsch-en Ninotchka filmatik hartua. 36ko Gerran, Bartzelona defendatzeko baliatu zen bateria antiaereo nagusietako baten aurkikuntzak Carmel mendian, ahazturaren bazka diren hondakin hauen gaineko gogoeta bisuala egitera bultzatu nau. Erruinak –enigmatikoak, zentzu argirik gabeak-, guztiz bazterrean utzita dauden aztarnak abiapuntu hartuta, dokumentala eta fikzioaren arteko mugetan kokatzen den istorio bat kontatu nahi da. Denboraren eta Oroimenaren arteko duelua. Erasotzailearen eta Defendatzailearen arteko balizko aurrez-aurrekoa. Bi antagonisten arteko norgehiagoka: artillero errepublikarraren eta pilotu faxistaren artekoa. Biak ala biak, gaur egun urruneko zaigun gatazkatik bizirik irtendakoak. Urrunekoa, baina irakaspenez beterikoa. Ausardia eta erruaren inguruko irakaspenak. Eta oroimenaren behar setatsuaren inguruko irakaspenak, baita ere. B