QUERCUS ENDORPHINA beren lehen diskoaren izenburua duzu, etnikoa eta sentibera, koloretsu bezain aberatsa. Fintasun handiz eraikiriko lan honetan, abestiak erritmo huts bilakatzen dira eta bertan azaltzen diren perkusio ezberdinak melodia heldu eta erakargarriez osaturiko paradisu batean korapilatzen dira, dantzarik askeenerako gonbitea luzatuz, sentimendu unibertsal eta oroimen historikoaren bitartez, entzulea denboren hastapenetara eramaten duelarik, pertsona baino gehiago zaldi ginen garaietara eramanez: lurrean atxikirik izanik, zerua amets genuen denboretara alegia. QUERCUS ENDORPHINA disko biluzia da, distiratsu eta ederra. Baso zaporea, egur usaina, QUERCUS ENDORPHINA, zalantzarik gabe, txalapartaren aurpegirik aurrerakoi eta esanguratsuena da. Oreka TX: Harkaitz Martinez eta Igor Otxoa: txalaparta Arantza Ansa: txalaparta Eli Ansa: txalaparta Iñigo Egia: perkusioak, txalaparta Iñigo Lurgain: Trikia, alboka, gitarra eta txalaparta 2000ko udan amasako IZ estudioan Mi