Gure kantagintza zein olerkiaren errepresentanterik garrantzitsuenetakoa dugu Lete. Bere lehen hiru diskoek, arrasto berriak zabaldu zituzten, bere pentsamenduaren beroa, beti sakona, zuzena, ironikoa, xamurra eta sentikorra euskal herriko jendearen bihotzetaraino barreiatuz. Aspaldi grabatuak dira diskoak eta nahiz eta CD formatoan iada merkatuan egon, dauden moduan ez dute inolaz islatzen pertsonaiaren benetako irudia. Grabaketok garbitu eta bermasterizatzea hala nola kaleratu ziren garaian biniloek barruan zeramaten informazio, argazki eta edukin idatzizko zein grafiko guztiak errekuperatzea beraz, lan garrantzitsua da gure kulturaren zutabeak hurrengo belaunaldeei trasmititu ahal izateko.